Абдукарим Мирзаев биография Си

Таниқли журналист Абдукарим Мирзаев Туркияда қамоққа олинди

Таниқли журналист, Туркиянинг Кастамону университети Коммуникациялар факультети журналистика бўлими магистранти Абдукарим Мирзаев 11 декабрь куни турк полицияси томонидан қўлга олинди, деб хабар беради «Gazeta.uz».

Журналистни ҳуқуқий жиҳатдан ҳимоя қилиш учун ёлланган адвокат вазиятни ўргангач, кимдир Абдукарим Мирзаевга тегишли рақам орқали шубҳали шахслар билан мулоқотда бўлгани ҳақида хабар бергани, ушбу маълумот ортидан журналист кузатилиб, сўнгра қўлга олинганини аниқлаган.

Абдукарим Мирзаевнинг турмуш ўртоғи бу ҳолатга изоҳ берар экан, охирги вақтлар, айниқса, сўнгги икки-уч ойда кўрсатувлари интернетда катта қизиқиш билан кузатилаётган журналистга нафақат Ўзбекистон, балки дунёнинг кўпгина давлатларидан мухлислари қўнғироқ қилиб, ҳурматини билдиргани, айримлари оилавий муаммоларини айтиб, ундан маслаҳат сўраганини таъкидлаган. Бундай вазиятда қўнғироқ қилувчи шахснинг кимлиги, мақсадларини аниқлаш, умуман, вазиятни назорат қилиш мутлақо имконсиз эканини айтган.

Шунингдек, журналист ҳибсга олинишидан 10 кунча олдин, аниқроғи 28 ноябрь куни кундузги 12:20-13:30 лар оралиғида оилавий ҳордиқ чиқариш ва видеолавҳа тасвирга олиш мақсадида Истанбулнинг Мармара денгизи ёқасидаги Флориа соҳилига чиққанида замонавий кийинган (шимда) тўрт аёл (икки нафари 35-40, икки нафари 16-17 ёшларда) улардан телефон қилиб олишни сўрагани, шундан кейин Абдукарим Мирзаевнинг телефонига турли рақамлардан эркаклар қўнғироқ қилгани, SMS хабарлари ёзганини таъкидлади. Ушбу воқеадан кейин янги олинган мобил телефони секин ишлашни, қотиб қолишни ҳам бошлаган.

10 декабрдан 11 декабрга ўтар кечаси ярим оқшомда зирҳли автомобилларда келган қуролланган ва ҳарбий либосдаги тўрт киши, шунингдек, фуқаро кийимидаги шахслар Абдукарим Мирзаевнинг уйига келиб, тинтув ўтказган. Улар уйдан ҳеч қандай шубҳали нарса топа олмаган ва қўшнилар гувоҳлигида ҳужжатларни расмийлаштириб, журналистни олиб кетишган.

Кейинги куни ёлланган адвокат у билан учрашган, полицияга журналистнинг шубҳали шахслар билан ҳеч қандай алоқаси йўқлигини исботловчи далил ва ҳужжатларни тақдим этган. Шубҳа ва гумонлар ўз тасдиғини топмаганидан сўнг уни мамлакатдан депортация қилиш тўғрисида қарор чиқариб, Миграция идорасининг чет элликларни сақлаш бўлимига юборишган. Айни вақтда депортация тўғрисидаги қарорни бекор қилиш, кузатувни тўхтатиш тўғрисидаги даъво тайёрланмоқда.

Маълумот учун, Абдукарим Мирзаев — ўзбекистонлик журналист, кинорежиссёр ва блогер. 2010 йилдаги Қирғизистонда бўлиб ўтган воқеаларни ёритиб берган «Дардга даво истаб» номли фильми билан машҳур бўлган. Фильмда ҳар икки халқ зиёлилари вакиллари томонидан мавжуд вазиятдан чиқиш, қонли воқеалар натижасида йўқолган азалий яхши қўшничилик анъаналарини тиклаш йўллари муҳокама қилинади.

Abdukarim Mirzayev kim?

Abdukarim Mirzayev— oʻzbekistonlik jurnalist, kinorejissor va blogger. 2010-yildagi Qirgʻizistonda boʻlib oʻtgan voqealarni yoritib bergan „Dardga davo istab“ nomli filmi bilan mashhur boʻlgan. Filmda har ikki xalq ziyolilari vakillari tomonidan mavjud vaziyatdan chiqish yoʻllari, qonli voqealar natijasida yoʻqolgan azaliy yaxshi qoʻshnichilik anʼanalarini tiklash yoʻllari muhokama qilinadi.

Hayoti
Mirzayev Abdukarim Rustamovich 1982-yil 20-fevral Oʻzbekiston SSRning Surxondaryo viloyati Denov tumanida tugʻilgan. Oilali, uch nafar farzandi bor.
Taʼlim
*1989-1997 – Surxondaryo viloyati Denov tumani 14-umumtaʼlim maktabi oʻquvchisi.
*1997-1999 – Surxondaryo viloyati Denov shaxri 3-sonli akademik litsey oʻquvchisi.
*1999-2004 – Kamoliddin Behzod nomidagi Oʻzbekiston milliy rassomlik va dizayn instituti „Sanʼatshunoslik“ fakulteti talabasi.
*2018-v.h – Kastamonu unversiteti, ijtimoiy bilimlar instituti jurnalistika boʻlimi magistranti.
Mehnat faoliyati
*2003-2005 – „Poytaxt“ radiosida jurnalist va radioboshlovchi.
*2005-2007 – „Zamin Fm“ radiosida jurnalist va radioboshlovchi.
*2003-2017 – Oʻzbekiston MTRK Yoshlar teleradiokanalining jurnalisti va boshlovchisi.
*2013-2015 – Diydor oʻquv-teatr studiyasida oliy toifali oʻqituvchi boʻlib faoliyat yuritgan.

Ijodiy faoliyati
Abdukarim Mirzayevning ijodiy faoliyati xilma-xillikni tashkil etadi. U 2003-yildan 2015-yilga qadar bir qancha televizion, radioloyihalarda ishtirok etgan va hujjatli filmlar, hikoyalarni surʼatga olgan.
Loyihalari
Dilkash radioloyihasi
„Poytaxt“ radiosida jonli efirda olib borilgan. Ushbu radioeshittirish 2003-2005-yillar oraligʻida haftada besh kun, har bir efir uch soat davomida amalga oshirilgan. Radioloyiha jonli efirga muxlislar tomonidan qilingan qoʻngʻiroqlar, insonlarning ijtimoiy muammolari asosidagi samiymiy dilkash suhbatlar asosida olib borilgan.
Uchinchi odam radioloyihasi
Zamin Fm radiosida jonli efirda olib borilgan. 2005-yilda boshlangan ushbu loyiha haftada ikki marotaba, har bir soni uch soatdan davom etgan. Loyihaning asosiy maqsadi insonlar orasidagi oʻzaro munosabatlarga, voqeliklarga uchinchi bir odamning munosabatini ifodalagan. Loyiha nomi Oʻzbekiston xalq shoiri Abdulla Oripovning „uchinchi odam“ sheʼridan olingan boʻlib, mazmunan ham sheʼrda aytilgani kabi ikki inson, ikki taraf oʻrtasidagi munosabatlar „uchinchi taraf“, „uchinchi nigoh“ tarafidan qanday talqin qilinmoqda, umuman uchinchi bir taraf boʻlish va uchinchi tarafning chegaralari qanday boʻlishi kerak ekanligi talqin qiligan.
Dasxat dasturi
Dasxat dasturi Zamin Fm radiosida jonli efirda amalga oshirilgan navbatdagi radioloyiha boʻlib, unda jamiyatning „mashxur“ boʻlmagan insonlari bilan koʻngildan suhbat olib borilgan. Oddiy insonlarning kundalik faoliyatlari, orzu-umidlari, muammolari, iztiroblari, quvonchlariga sherik boʻla olish, tinglovchilarga „ideal“ boʻlib koʻringan insonlardan emas, oddiy, hamma qatori insonlardan ham oʻrganishimiz, havas qilishimiz, oʻrnak olishimiz va xulosa qilishimiz kerak boʻlgan taraflar bor ekanligini koʻrsatib berishga harakat qilingan. Dastur soʻngida loyiha nomiga monand har bir dastur mehmonidan dasxat olingan.
Bugun koʻrsatuvining „Yettinchi qadam“ sahifasi
Oʻzbekiston MTRK Yoshlar telekanalida efirga uzatilgan. Ushbu koʻrsatuv adabiy-badiiy, ijtimoiy mavzularda falsafiy fikrlar asosida keng mushohadaga chorlovchi, insonlarning hayotida sodir boʻlishi mumkin boʻlgan kichik ammo juda katta ahamyatga ega boʻlgan holatlar va ularning sabablari haqida boʻlgan. Koʻrsatuv hayotimizda boʻlib turadigan voqealarga xulosalar, yondashuvlar, suhbat, sahnalashtirilgan hikoyalar tarzida tayyorlangan.
Hikoya koʻrsatuvi
Oʻzbekiston MTRK Yoshlar telekanalida efirga uzatilgan. Oʻzbek adabiyotidan turli hikoyalar oʻqib berilgan.
Hayot soʻqmoqlari hujjatli filmlar silsilasi
Oʻzbekiston MTRK Yoshlar telekanalida efirga uzatilgan. Oʻzbekistonning istiqboliga salmoqli hissa qoʻshgan adiblar, madaniyat va sanʼat dargʻalari, olimlar, akademiklar, siyosatchilar hayotlari haqida hikoya qilingan, suhbatlar amalga oshirilgan.
Yon daftar loyihasi
Oʻzbekiston MTRK Yoshlar telekanalida efirga uzatilgan. Ushbu loyihada ham insonlarni hayot tashvishlaridan biroz tin olib, fikrlashga, atrofdagilar va oʻzi haqida oʻylab koʻrishga undaydigan kichik hikoyalar, hayotiy voqelar soʻzlab berilgan.
Oddiy odamlar loyihasi
Oʻzbekiston MTRK Yoshlar telekanalida efirga uzatilgan. Ushbu loyiha Oʻzbekistonning turli hududlarida istiqomat qilayotgan bogʻbon, choʻpon, hamshira, oʻqtuvchi va boshqa kasb egalari haqida telekoʻrsatuvlarni oʻz ichiga olgan.
Yoʻldagi odam loyihasi
Ushbu koʻrsatuv Oʻzbekiston MTRK Yoshlar telekanalida efirga uzatilgan. Koʻrsatuv amalga oshirilgan ilk sayyohlik loyihasi boʻlib, Oʻzbekistondan tashqaridan suratga olib efirga uzatilgan. Yoʻldagi odam sayyohlik koʻrsatuvi loyihasi 2018-yil fevral oyidan 2019-yil may oyigacha efirga uzatilgan. Koʻrsatuv davomiyligi 25-35 daqiqa. Koʻrsatuv turli manzillarda, turli shaxarlarda, tarixiy joylarda, oʻrmonlarda, dengizlarda, togʻlarda suratga tushirilgan. Unda muallif va rejissor Abdukarim Mirzayev turli mavzularda fikr va munosabat bildirgan. Falsafiy-mushohada va bu fikrlarni asoslovchi turli voqealar, hikoyalar soʻzlangan. Yoʻldagi odam koʻrsatuvi ijtimoiy, falsafiy, koʻngilochar loyiha hisoblanadi.
„Odam boʻlish qiyin“ badiiy filmi
Oʻzbekiston MTRK Yoshlar telekanalida efirga uzatilgan. Besh qismdan iborat adabiy-badiiy film.

2013-2015-yillar davomida „Diydor“ oʻquv-teatr studiyasida har haftada ikki marotaba, ikki soat davomiyligidagi „etika va estetika“ darslaridan teatr oʻquvchilari bilan mashgʻulotlar olib borgan. Ushbu darslar sanʼat va sanʼatkor etikasi, inson va sanʼat, sanʼat va jamiyat, sanʼat va zamon, sanʼatkor va ijtimoiy hayot haqida boʻlgan. Ushbu yillar davomida „Diydor“ oʻquv-teatri va Yoshlar telekanali hamkorligidagi bir qancha loyihalarni tasvirga olishda rejissorlik qilgan. Shulardan:

„Nodirabegim“ (Nodirabegimga bagʻishlangan)
„Xotiram siniqlari“ (Zulfiya Isroilovaga bagʻishlangan)
„Hayrat-ul abror“

Oʻzbek adabiyoti loyihasi
Oʻzbekiston MTRK Yoshlar telekanalida efirga uzatilgan.
Alisher Navoiy gʻazallariga bagʻishlangan 30 qisimdan iborat boʻlgan koʻrsatuv. Koʻrsatuvning har bir qismida [[Alisher Navoiy]]ning bir gʻazali oʻqilib, maʼnolari tushintirilgan. Ushbu loyiha rejissori va muallifi Abdukarim Mirzayev, badiiy rahbar Bahodir Yoʻldoshev va bir qator adabiyotshunos olimlar hamkorligida amalga oshirilgan.
Hujjatli filmlari

Sulaymontogʻ etaklarida
Iztirob
Dardga daʼvo bormi?
Adolat istab
Immigratsiyami, intigratsiyami?
Muhammad Yusuf (Oʻzbekiston xalq shoiri Muhammad Yusuf haqida)
Fenomen (Oʻzbekistonda xizmat koʻrsatgan sanʼat arbobi Otanazar Matyoqubov haqida)

Dardga daʼvo istab
Abdukarim Mirzayev 2010-yilgi voqealarga bagʻishlab bir nechta hujjatli filmlar tasvirga olgan. Dardga daʼvo istab hujjatli filmi 2010-yilda Qirgʻizistonda boʻlib oʻtgan Qirgʻiziston janubidagi tartibsizliklarga bagʻishlangan filmlardan biridir.

Таниқли журналист Абдукарим Мирзаев Туркияда қамоққа олинди

Таниқли журналист Абдукарим Мирзаев Туркияда қамоққа олинди. Шубҳалар исботини топмади, бироқ журналистни депортация қилиш тўғрисида қарор қабул қилинди.

Таниқли журналист, Туркиянинг Кастамону университети Коммуникациялар факультети журналистика бўлими магистранти Абдукарим Мирзаев 11 декабрь куни турк полицияси томонидан қўлга олинди. Бу ҳақда «Газета.uz»нинг Туркияда бўлиб турган мухбири Санжар Рустамов хабар қилди.

Журналистни ҳуқуқий жиҳатдан ҳимоя қилиш учун ёлланган адвокат вазиятни ўргангач, кимдир Абдукарим Мирзаевга тегишли рақам орқали шубҳали шахслар билан мулоқотда бўлгани ҳақида хабар бергани, ушбу маълумот ортидан журналист кузатилиб, сўнгра қўлга олинганини аниқлади.

Абдукарим Мирзаевнинг турмуш ўртоғи бу ҳолатга изоҳ берар экан, охирги вақтлар, айниқса сўнгги икки-уч ойда кўрсатувлари интернетда катта қизиқиш билан кузатилаётган журналистга нафақат Ўзбекистон, балки дунёнинг кўпгина давлатларидан мухлислари қўнғироқ қилиб, хурматини билдиргани, айримлари оилавий муаммоларини айтиб, ундан маслаҳат сўраганини таъкидлади. Бундай вазиятда қўнғироқ қилувчи шахснинг кимлиги, мақсадларини аниқлаш, умуман, вазиятни назорат қилиш мутлақо имконсиз эканини айтди.

Шунингдек, журналист ҳибсга олинишидан 10 кунча олдин, аниқроғи 28 ноябрь куни кундузги лар оралиғида оилавий хордиқ чиқариш ва видеолавҳа тасвирга олиш мақсадида Истанбулнинг Мармара денгизи ёқасидаги Флориа соҳилига чиққанида замонавий кийинган (шимда) тўрт аёл (икки нафари 35−40, икки нафари 16−17 ёшларда) улардан телефон қилиб олишни сўрагани, шундан кейин Абдукарим Мирзаевнинг телефонига турли рақамлардан эркаклар қўнғироқ қилгани, СМС хабарлари ёзганини таъкидлади. Ушбу воқеадан кейин янги олинган мобил телефони секин ишлашни, қотиб қолишни ҳам бошлаган.

10 декабрдан 11 декабрга ўтар кечаси ярим оқшомда зирҳли автомобилларда келган қуролланган ва ҳарбий либосдаги тўрт киши, шунингдек, фуқаро кийимидаги шахслар Абдукарим Мирзаевнинг уйига келиб, тинтув ўтказишган. Улар уйдан ҳеч қандай шубҳали нарса топа олмаган ва қўшнилар гувоҳлигида ҳужжатларни расмийлаштириб, журналистни олиб кетишган.

Кейинги куни ёлланган адвокат у билан учрашган, полицияга журналистнинг шубҳали шахслар билан ҳеч қандай алоқаси йўқлигини исботловчи далил ва ҳужжатларни тақдим этган. Шубҳа ва гумонлар ўз тасдиғини топмаганидан сўнг уни мамлакатдан депортация қилиш тўғрисида қарор чиқариб, Миграция идорасининг чет элликларни сақлаш бўлимига юборишган. Айни вақтда депортация тўғрисидаги қарорни бекор қилиш, кузатувни тўхтатиш тўғрисидаги даъво тайёрланмоқда.

Санжар Рустамов (у ҳам Кастамону университети магистранти) журналистнинг на диний ва на сиёсий амбициялари йўқлигини, бор-йўғи ибратли ҳикоялар, ривоят ва асотирларни сўзлаб бериб, видеоларини ижтимоий тармоқларга жойлаб боришини таъкидлади.

«Бунинг замирида биринчи навбатда интернетнинг ўзбек сигментини сифатли ва мазмунли видеоконтент билан тўлдириш, ахлоқий, маънавий-маърифий ҳикоялар орқали халқимиз, айниқса интернет даврида улғаётган ёш авлоднинг онгу тафаккурини юксалтириш мақсади ётибди. Қолаверса, пандемия даврида тушумлар озайган бир вақтда ушбу видеороликларни YouTube-каналга жойлаштириш орқали пул ишлаш мақсади ҳам йўқ эмас эди. Бундан бошқа ҳеч қандай манфаат, мақсад ёки ғоялар йўқ. Ҳа, дарвоқе, ҳикоя ва ривоятларнинг диний мазмун ва руҳда экани Абдукарим Мирзаевнинг оддий бир зиёли мусулмон сифатидаги танлови, холос», — деди у.


источники:

http://vikipediya.uz/2021/07/06/abdukarim-mirzayev/

http://www.gazeta.uz/uz/2020/12/19/abdukarim-mirzayev/